༡.  ཡིག་ཆ་ཕུལ་ནི་དོན་ལུ་ཚང་དགོཔ་ག་ཅི་རང་ཨིན་ན།

རྒྱབ་འགལ་ལུ་ ལྷན་ཁག/  རྫོང་ཁག་གི་རྟགས་བཀོད་དེ་ག་ར་བཀང་ཡོད་པའི་འབྲི་ཤོག་དང་  ད་རེས་ནངས་པའི་གོ་གནས་ཡར་སེང་གི་ཡིག་ཚང་བཀའ་རྒྱ་གི་འདྲ་ཅིག་དགོ།

༢. སྤྱི་ཐོག་ སྣུམ་འཁོར་མཁོ་སྒྲུབ་འབད་ནི་དོན་ལུ་ག་སྟེ་འབད་ཞུ་ཚིག་ཕུལ་ནི་།

རྒྱལ་ཡོངས་འཆར་དངུལ་ལས་ཁུངས་ཀྱི་  མདོ་ཆེན་ལུ་ འཆར་དངུལ་ཁ་གསལ་དང་གཅིག་ཁར་ཕུལ་ནི་དང་།  རྒྱལ་ཡོངས་འཆརད་ངུལ་ལས་ཁུངས་ཀྱི་ འཆརད་དངུལ་ ཞིབ་དཔྱད་འབད་དེ་  དངུལ་རྩིས་ལྷན་ཁག་ལས་ གནང་བ་ལེན་ནི་དང་  དངུལ་རྩིས་ལྷན་ཁག་གི་ མཐའ་མཇུག་གི་ནང་འདྲེན་འབད་ནི་ལུ་  གནང་བའི་བཀའ་རྒྱ་སྤྲོད་ནི་ཨིན།

ཚོང་གི་འབབ་ཁུངས་ཁྲལ།   ཁེབ་ས་ངེས་ཏིག་ཐོག་ལུ་  བརྒྱ་དཔྱ་ ༣༠།

ལས་འཛིན་གྱི་འབབ་ཁུངས་ཁྲལ།  ཁེབ་ས་ངེས་ཏིག་ཐོག་ལུ་  བརྒྱ་དཔྱ་ ༣༠།

རང་སོའི་འབབ་ཁུངས་ཁྲལ། རྒྱུ་དངོས་རྩིས་སྤྲོད་ཀྱི་ཁྲལ།  བརྒྱ་དཔྱ་  ༥།

ཚོང་གི་འབབ་ཁུངས་ཁྲལ།

ཚོང་གི་འབབ་ཁུངས་ཁྲལ་འདི་ ལས་འཛིན་གྱི་འབབ་ཁུངས་ཀྱི་ཁྲལ་མིན་པའི་ཁྲལ་ཅིག་ཨིན། དེ་ཡང་ ཁེབ་ས་ངེས་ཏིག་གི་ཐོག་ལུ་ བརྒྱ་དཔྱ་ ༣༠ བཀལ་ཡོདཔ་དང་། ཚོང་གི་འབབ་ཁུངས་ཀྱི་ཁྲལ་འདི་ བསྟན་རྒྱས་ལྷན་ཁག་གིས་ སྤྲོད་ཡོད་པའི་ བདག་དབང་ལོགས་སུ་མེད་པའི་འདུས་ཚོགས་ཚུ་ལུ་ ཆོག་ཐམ་གཞི་བཟུང་དང་ཐོ་བཀོད་ ཡོད་མི་ཚུ་གིས་ སྤྲོད་དགོཔ་ཨིན།

ལས་འཛིན་གྱི་འབབ་ཁུངས་ཁྲལ།

ལས་འཛིན་གྱི་འབབ་ཁུངས་ཁྲལ་འདི་ ལས་འཛིན་ཚུ་གིས་སྤྲོད་ཡོད་པའི་ཁྲལ་ལུ་སླབ་ཨིན། དེ་ཡང་ ཁེབ་ས་ངེས་ཏིག་གི་ཐོག་ལས་ བརྒྱ་དཔྱ་༣༠ བཀལ་ཡོདཔ་དང་།  ལས་འཛིན་གྱི་འབབ་ཁུངས་ཁྲལ་འདི་ཡང་  འབྲུག་རྒྱལ་ཁབ་ཀྱི་ཚོང་སྡེའི་ བཅའ་ཁྲིམས་  ༢༠༠༠ ཅན་མ་འོག་ལུ་  ཐོ་བཀོད་འབད་དེ་ཡོད་པའི་ འདུས་ཚོགས་ཚུ་གི་སྤྲོད་དགོཔ་ཨིན།

ཚོང་གི་འབབ་ཁུངས་ཁྲལ་ ཡང་ན་ ལས་འཛིན་གྱི་འབབ་ཁུངས་ཁྲལ་གྱི་ ཐོ་བཀོད།

ཚོང་པ་དང་ཚོང་སྡེ་ག་ར་གིས་ ཚོང་འབྲེལ་གྱི་ཆོག་ཐམ་སྤྲོད་མི་ ལུང་ཕྱོགས་ཀྱི་འོང་འབབ་དང་ཅ་དམ་ཡིག་ཚང་ དང་གཅིག་ཁར་ཐོ་བཀོད་འབད་དགོ། ཡང་ཅིན་ ཚོང་འབྲེལ་ཆོག་ཐམ་ ལེན་ནི་དོན་ལུ་ ཐོ་བཀོད་འབད་ཡོད་མི་ལས་ ཚེས་གྲངས་ལས་ འགོ་བཙུགས་ དུས་ཡུན་ ཟླ་ངོ་༣ གི་ནང་འཁོད་  ཡིག་ཚང་ལྟེ་བ་ནང་འབད་དགོ།

ཁྲལ་གྱི་སྙན་ཞུ་ཐོ་བཀོད།

ཚོང་པ་དང་ཚོང་སྡེ་ག་ར་གིས་ ངེས་པར་དུ་ ཁྲལ་གྱི་སྙན་ཞུ་འབད་དགོ།  ཚོང་གི་འབབ་ཁུངས་ཀྱི་ཁྲལ་ གྱི་ འབྲི་ཤོག་ ༢ ཅན་མ་འདི་ ཚོང་གི་འབབ་ཁུངས་ཁྲལ་སྤྲོད་མི་ཚུ་གི་ དོན་ལུ་དང་། ལས་འཛིན་གྱི་འབབ་ཁུངས་ཀྱི་ཁྲལ་གྱི་ འབྲི་ཤོག་ ༢ ཅན་མ་འདི་ ལས་འཛིན་གྱི་འབབ་ཁུངས་ཀྱི་ཁྲལ་ སྤྲོད་མི་ཚུ་གི་དོན་ལུ་ཨིན།

རང་དཔྱད་འབད་བའི་ཐོག་ ལུང་ཕྱོགས་ཀྱི་འོང་འབབ་དང་ཅ་དམ་ཡིག་ཚང་ནང་ ཐོ་བཀོད་དེ སྤྱི་ཟླ་ གསུམ་པའི་ སྤྱི་ཚེས་ ༣༡ ནང་འཁོད་ འབབ་ཁུངས་ལོ་ མཇུག་བསྡུ་ཁམ་ལུ་ཐོ་བཀོད་འབད་དགོ།

ཁྲལ་བཏབ་མི་ཨང་། 

ཁྲལ་བཏབ་མི་ཨང་ འདི་ རིམ་ལུགས་ཐོག་བཟོ་ཡོད་པའི་ ཨཱལ་ཕ་ ནུ་མི་རིག་ ཨང་ འདི་ ལུང་ཕྱོགས་ཀྱི་འོང་འབབ་དང་ཅ་དམ་ཡིག་ཚང་གི་ ཁྲལ་བཏབ་མི་ཚུ་ལུ་ ཐོ་བཀོད་འབད་བའི་སྐབས་སྤྲོད་དོ་ཡོདཔ་ཨིན།  དེ་འབད་སྤྲོད་མི་འདི་ཡང་ ཁྲལ་སྤྲོད་ལེན་འབྲེལ་བའི་ལཱ་དང་ ལྷག་པར་དུ་ ཁྲལ་གྱི་ངོ་རྟགས་ ག་ར་ ངོས་འཛིན་འབད་ཚུགས་ནི་དོན་ལུ་ཨིན།

ཁྲལ་བཏབ་མི་ཨང་ འདི་ངེས་པར་དུ་ ཡིག་འབྲེལ་ག་ར་ནང་ ཁུངས་གཏུག་ཅིག་འབད་བཀོད་དེ་ ལས་ཁུངས་དང་གཅིག་ཁར་  ཁྲལ་བཏབ་མི་ཚུ་ ངོས་འཛིན་འབད་ཚུགས་དགོ།

རང་སོའི་འབབ་ཁུངས་ཁྲལ་ཟེར་མི་འདི་ རང་རང་སོ་སོའི་ འབབ་ཁུངས་དང་ ཡང་ན་ འབྱུང་ཁུངས་མ་དྲཝ་ དྲུག་ལས་ལྷག་སྟེ་ ཡོད་པ་མི། དེ་ཡང་  དངུལ་ཕོགས་ཀྱི་འབབ་ཁུངས།   གླ་ཆའི་འབབ་ཁུངས།   བགོ་བཤའི་འབབ་ཁུངས།  དངུལ་ཐོག་འབབ་ཁུངས།  དངུལ་སྐྱེད་འབབ་ཁུངས་  དང་ འབབ་ཁུངས་གཞན། སྒེར་སྡེའི་དབང་བའི་སྣུམ་འཁོར་དང་། འཕྲུལ་ཆས་ཚུ་བློ་རིག་ རྒྱུ་དངོས་ ཐོབ་དབང་ལས་གླ་ཁར་ལེན་ནི་འདི་ཨིན།

རང་སོའི་འབབ་ཁུངས་ཀྱི་ཁྲལ་བཏབ་མི་ག་རང་ཕོགཔ་སྨོ?

དེ་ཡང་འབྲུག་པའི་མི་ཁུངས་  ས་གནས་ནང་སྡོད་མི་དང་  གཞན་འབྲུག་ནང་འཁོད་  གོང་ལུ་བཀོད་མི་ལྟར་ འབབ་ཁུངས་ཁག་མ་དྲཝ་དྲུག་ནང་ལས་ འབབ་ཁུངས་ཐོབ་ཡོད་མི་ཚུ་  རང་སོའི་འབབ་ཁུངས་ཀྱི་ཁྲལ་ ཕོགཔ་ཨིན།

རང་སོའི་འབབ་ཁུངས་ཀྱི་ཁྲལ་གྱི་དོན་ལས་ག་གིས་ཐོ་བཀོད་འབད་དགོཔ་སྨོ?

སྐྱེས་ལོ་ ༡༨ ལངས་མི་ མི་སེར་ག་ར་དང་ འབྲུག་པའི་ནང་འཁོད་སྡོད་མི་སེར་ཚུ་གིས་ རང་སོའི་འབབ་ཁུངས་ཀྱི་འབྱུང་ཁུངས་གཅིག་དང་ཡང་ན་ འབྱུང་ཁུངས་ཁག་དྲུག་ལས་ འབབ་ཁུངས་ཀྱི་ལོ་ནང་ འབབ་ཁུངས་འབྱུང་ཡོད་པ་ཅིན་  རང་སོའི་འབབ་ཁུངས་ཁྲལ་གྱི་ འབྲི་ཤོག་ ༡ པ་ལག་ལེན་ཐབས་ཏེ་ ཐོ་བཀོད་འབད་དགོཔ་ཨིན།  བཀང་ཡོད་པའི་ ཐོ་བཀོད་འབྲི་ཤོག་འདི་  ཁྱོད་ར་ཁྲལ་བཏབ་པའི་ཚེས་ སྟབས་བདེ་ནི་དང་ གདམ་ཁའི་དོན་ལས་ ལུང་ཕྱོགས་འོང་འབབ་དང་ཅ་དམ་ཡིག་ཚང་ནང་ཕུལ་དགོ།

གལ་སྲིད་ གཉེན་རྐྱབ་རྐྱབ་པའི་ མི་ངོམ་ཨིན་པ་ཅིན་ མི་ངོམ་གཉིས་ཆ་ར་གིས་ ལུང་ཕྱོགས་འོང་འབབ་དང་ཅ་དམ་ཡིག་ཚང་གཅིག་ནང་ཐོ་བཀོད་འབད་དགོ།

ལུང་ཕྱོགས་འོང་འབབ་དང་ཅ་དམ་ཡིག་ཚང་།     རྫོང་ཁག།

ཐིམ་ཕུག།	ཐིམ་ཕུག།  སྤུ་ན་ཁ།  དབང་འདུས་ཕོ་བྲང་།  མགར་ས།
སྤ་རོ།	སྤ་རོ་དང་།  ཧཱ།
ཕུན་ཚོགས་གླིང་།	ཆུ་ཁ།
བསམ་རྩེ།	བསམརྩེ།
དགེ་ལེགས་ཕུག།	གསར་སྤང་།  རྩི་རང་།   དར་དཀར་ན།  གཞལམ་སྒང་།
བུམ་ཐང་།	བུམ་ཐང་། ཀྲོང་གསར།
བསམ་གྲུབ་ལྗོངས་མཁར།	བསམ་གྲུབ་ལྗོངས་མཁར་དང་།  པདྨ་དགའ་ཚལ།
མོང་སྒར།	བཀྲིས་སྒང་།  ལྷུན་རྩེ།   བཀྲིས་གཡང་རྩེ་དང་།  མོང་སྒང་།